][®][^][®][مختارات من الشعر الشعبي ][®][^][®][

الأخـوة والاخوات محـبـى الشعـر الشعـبي ...

السـلام عـليـكم ورحـمـة الله وبـركاتـه ..

أحببت أن أقدم لكم مختارات من الشعر الشعبي الجميل

وكل من أحب أن يضيف قصيده شعبيه ..

ليكون مرجع يشمل الكثير من الاشعار الجميله وذكر كاتب القصيده ..

وها أنا ابدى لكم بعدة قصائد أتمنى أن تنال شئ من محبي الشعر الشعبي ..



قـصـيدة بعنـوان : الخـط العـريـض - للشـاعــر الكـبيــر حبيـّب العـازمـي ...

عطيتك غالي الاسرار يا اغلى من يجي ويروح
وابي منك التجاوب والصراحه ماحصـل ذلـك
كتبت السر بالخط العريض وقلت انا مجـروح
وكنك ماقريت ولا خطر علمـي علـى بالـك
ابيك تخفف الاهـات وتعالـج جـروح الـروح
وتروف بحال من يدري قبل حاله علـى حالـك
قبل تدري عن القصه ترى عنك الخطاء مطروح
وعقب انك دريت اليوم سو اللـي يـورى لـك
انا حظي كذا وانته عن اللـي تعملـه مسمـوح
ولكـن انـك تاكـد ماعطيـت النيـه الا لـك
ولن فكرت او قررت كل اللي يصيـر مـزوح
انا اقول الك جـد وجـد والعكـس يتهيـا لـك
اباكد لك وتكـد لـك عيـون بالدمـوح تفـوح
وفكر حافظ صورتـك فـي حلـك وترحالـك
وقلب كن في جوفه صدى صوت الحمام ينـوح
طلع مضرب مثل تضرب به الامثـال لامثالـك
دخلت القلب وحدك باعتبـاره منـزل مفتـوح
عسى الله مايكدر نزلتك فـي وسـط منزالـك
ولن بشرتني بمواجهك عشت بسعـد وفـروح
ولـن بشرتنـي بفـراق فـال الله ولا فـالـك



عليك الفرج يا اللـّـه - للشـاعـر المعــروف سـلطـان الهـاجــري

عليـك الفـرج يـاالله ياحـي ياقـيّـوم
إلـهٍ عـبـاده كلـهـا تلـفـت يـمّـه

الا يارفيقـي والله انـه عـداك الـلـوم
انا اللي علـي اللـوم فـي ذمتـي ذمـه

ولكن سامحني تـرى العلـم فيـه علـوم
ولا يفـرح اللـي بيننـا ينقـل النـمـه

حصل ماحصل والعبد يصبر على المقسوم
يدور الزمـان ويخلـف العـزم والهمـه

طرات الرجل لا لحقه من الزمان همـوم
ما يدري بسده كـود خيـرة بنـي عمـه

وسيع البنايد في الشدايـد قـوي عـزوم
لعظك زمانـك شـال همّـك مـع همّـه

وانـا والله انـي ماتهنـى بحلـو النـوم
ورفيقـي عليـه همـوم الايـام ملتمـه

اشيل الحمل منه واحطّـه علـي واقـوم
مقام يورد مظمـي المـا علـى الجمّـه

لكن الزمان الشين ظالـم وانـا مظلـوم
على الهون ياللي تمـدح الوقـت وتذمـه

تهب الهبايب والسفن في البحـور تعـوم
وتقفي بها صلـف الهبايـب عـن اليمـه

هبوب تصلفقهـا وبحـر وسمـا ونجـوم
ومـوج تقفـاه العواصـيـف وتـزمـه



قصيدة الشاعر الشيخ حمد بن سعود ال ثاني

أنا ماذبحني كود سحر العيون السود
مع قذلةٍ فوق الحجاجين منهلــ ـــه

تمكن صوابي يوم عرض نحيل العود
سلب مهجتي واستاسر القلب واحتلـه

نطحني مع زوج المها قايدللخـود
كما عنز ريم تقهر الصيد والتـــلـه

لــها مطلــع يبهر جمــاله بدون حدود
شعوري عجز مايصد الحدث من جلـــه

رماني بسود سهمها للملا مرصود
إذا سلهمت عقب النظر ترث العلـــــه

أسلي فؤادي بالتماني وأنا موعود
بليل الغرام أقاسي الوجد ومـلـــــــه

أعيش بأمل واقول حبل الرجا ممدود
وأنا أخاف حد اليأس يقطعه ويحلـــه

جروح المحبة خافيه والهوى مشهود
عليه العواطف تسخر القلب وتذلـــــه

أناكيف بصبر وتحــمل حياة الكـــود
وأنا جرح قلبي صانع الطب مادلــــه

أجامل وأنا ما شفت وقت العنى به فود
بدا النقص في حالي وصبري نفذ كلـــه



اتـرك الشــكــة - للشــاعــر الــرائـــع عبـد العـزيــز بن راشـــد الغنــامـي

يانور عيني معـي لا يلحقـك شكّـه
محبّتك في طريقـي صعـب اخالفهـا
الشك كبش الفـدا وان شفتنـي ذكّـه
لا ترتخي لـالشكوك العـن طوايفهـا
ولو داهمتك الشكوك وجات مصتّكـه
ضيّـف حبيبـك عليهـا لا تضيّفهـا
سوّيت لك وسط قلبي يالغضـي دكّـه
ودّكتك في وسط قلبي مـاقدر اوصفها
بـاب الغـلا بيننـا ياصاحبـي فكّـه
والحب عمله وانـا وانتـه نصرّفهـا
صدري ليا شفت زولـك ودّي آحكّـه
أحس فـالصدر حاجه بس مـاعرفها ؟
من كثر مافيك افكّـر صابنـي تكّـه
والنفـس يلعـب بهـا كثـرة تكلّفهـا
ودّي معك لو نحط اكّـه علـى أكـه
وكلمـة محبّـه لـخلـق الله نعرّفهـا
ابا اطلـب الله وانـا مستقبـل ٍ مكـه
مبعث محمّـد عسـى ربّـي يشرّفهـا
انّك تصفّـي غـلاك وتتـرك الشكّـه
ومعـك المحبّـه تزيـد ولا نخالفهـاا



ولكم من المارد أجمل التحيااات..

موضوع مميز وجميل يعطيك الف عافية المارد